拍攝《嫁到這世界邊端3》後記
作為前兩季既小粉絲，覺得好有共嗚。吸引力法則，萬萬估唔到，我會成為第三季嘅「人妻」。我同意佬東奔西走，有時生活裡的點點甜會容易被擺埋一邊。
意佬話雖然一連兩集都「咭呢咕嚕」，但攝製隊嘅拍攝手法，剪接效果，仲有幕後功夫，為我哋締造咗一份價值不菲嘅禮物。佢仲話第時兩個七老八十再唔可以闖天下時，久唔久坐喺屋企火爐側邊攞返呢兩集出嚟睇，必定回味無窮!🤗🤗
講開攝製隊，呢個團隊就好似A Team咁個個都有特異功能嫁！記得第一round喺埃及開拍時，我哋真係去到邊俾人趕俾人鬧到邊🥺內心其實好尷尬但又乜都幫唔到。但A Team反而半句怨言都冇，不斷尋找解決辦法。👍
返到意大利，好不幸意佬大姨媽入咗ICU，我哋不斷進出醫院，將原本排好的行程 180度反轉。但無論點樣反轉再反轉嘅突發事都難唔到A Team。佢哋不屈不撓嘅工作態度實在好令人鼓舞。
工作背後，最難得嘅係嗰份情。佢哋用心工作之餘更用心交朋友，Janis Chan 陳貝兒真係好nice成日陪我girl's talk, 一包公仔麵，一盒感冒散，一堆堆笑話，仲有
Chow Sang Sang Jewellery Official Page 周生生珠寶官方專頁專程託人送俾我隻寶石戒指！所有人對我的好我從沒有忘記。感恩能夠識到你哋呢班好朋友🥰
多謝你哋，俾到我一個咁難忘嘅回憶。
多謝你哋，俾咗好多歡樂時光我。
多謝你哋，令沙漠中出現一點溫潤。
由於喺意佬面前我要扮cool等佢唔好呷醋，但其實兩次嘅道別都好似自己嘅好同鄉又要離去，我都依依不捨🤧
衷心感激我同意佬有呢個機會，令我倆可意外地擁有屬於自己嘅愛情回憶錄。
#嫁到這世界邊端3
#多謝大家支持
#多謝周生生
#愛情回憶錄
#ATeam
#生根唔落地
#守護感恩
#陪著你走
#一生一世也不分
Photo Credit to : 柱基
Search